Нохой устгалын ажил зохион байгууллаа.

Суманд 2014 оны 03-р сарын 29-ны өдрөөс 04 -р сарын 04-ны өдөр хүртэл нохой устгалын ажил зохион байгууллаа. Энэ ажлын хүрээнд нийт 96 золбин нохой устган, ариутгал халдваргүйжүүлэлтийн бодис болох хлорын шохойгоор ариутгал хийн булж устгалаа.

Хөдөлмөр эрхлэлтийг дэмжих төсөл, хөтөлбөрийн нээлтийн ажил зохион байгуулагдлаа.

2014 онд суманд хэрэгжүүлэх 2014 оны 04-р сарын 22-нд зохион байгууллаа. Нээлтэнд сумын Засаг дарга З.Гэрэлт-Од, ИТХ-ын дарга Ц.Ганболд, Орлогч дарга Х.Батбаяр, Хөдөлмөрийн Хэлтсийн ахлах мэргэжилтэн н.Сүмбэр нар оролцож, сум хөгжүүлэх сангийн төсөлд хамрагдсан ХХЭ, ААН-ийн төлөөлөл 15 иргэн 27 нэр төрлийн бүтээгдэхүүнээр оролцож нийт 102 иргэн хамрагдсан байна. Нээлтийг ИТХ-н дарга Ц.Ганболд албан ёсоор эхлүүлж, Хөдөлмөрийн хэлтсийн ахлах мэргэжилтэн н.Сүмбэр Чулуунхороот суманд хэрэгжих төсөл хөтөлбөрүүдийн талаар мэдээлэл хийн иргэдийн санал бодлыг сонсож ажиллаа. Нээлтийн үйл ажиллагааны үеэр Ногоон эргүүл, Иргэний эргүүлийн ажлыг эхлүүлж хантааз, үнэмлэх гардуулж төслийг хэрэгжүүлэх 8 иргэнтэй хөдөлмөрийн түр гэрээ байгууллаа. Мөн Д.Нямсүрэнгийн нэрэмжит бүрэн дунд сургуулийн орос найрал дууны дугуйлангийн сурагчид өөрсдийн уран бүтээлээс толилуулж, үзэсгэлэн худалдааны үеэр иргэдийн саналаар шилдэг бүтээгдэхүүн, шилдэг төсөл хэрэгжүүлэгчийг шалгаруулж өргөмжлөл гардуулав. Шилдэг бүтээгдэхүүнээр 8 нэр төрлийн нарийн боов шалгарч, шилдэг төсөл хэрэгжүүлэгчээр үсчин гоо сайхны салон шалгарлаа. Нээлтэнд ирсэн иргэдэд “Эрүүл аюулгүй ажиллацгаая”, “Хөдөлмөр эрхлэлтийн нийтлэг үйлчилгээ”, “Ажилд зуучлах үйлчилгээ”, “Жижиг, дунд үйлдвэрлэл эрхлэгчдэд”, “Хөдөлмөр эрхлэлтийг дэмжих чиглэлээр 2014 онд хэрэгжүүлэх төсөл хөтөлбөрүүд” гэсэн 102 гарын авлагыг тараалаа.

54 3

“Экосистемд түшиглэсэн дасан зохицох арга хэмжээг уур амьсгалын өөрчлөлтөнд өндөр эрсдэлтэй голуудын сав газарт хэрэгжүүлэх нь” төслийн хүрээнд

Нутгийн иргэдийн орлого нэмэгдүүлэх, амьжиргааг дэмжих зорилгоор “Экосистемд түшиглэсэн дасан зохицох арга хэмжээг уур амьсгалын өөрчлөлтөнд өндөр эрсдэлтэй голуудын сав газарт хэрэгжүүлэх нь” төслөөс 20м х 6м-ийн харьцаатай хүлэмж, дуслын усалгааны систем хүлээлгэн өгч цаашдаа ногоо тариалах сонирхолтой иргэдэд сургалт зохион байгуулан ажиллахаар төлөвлөөд байна. Уг хүлэмж нь эрт ургацын үрслэг бойжуулах, хүнсний нарийн ногоо тариалах, төмс, хүнсний ногоо тариалах, мод бут ургуулахад тохиромжтой.

“7058-2233 Нээлттэй утас” иргэдээ сонс ч байна.

Аймгийн Засаг даргын Тамгын газраас иргэдэд үзүүлж байгаа төрийн үйлчилгээг  хөнгөн шуурхай хүргэх, төрийн байгууллага, иргэд хоорондын харилцаа, холбоог сайжруулах зорилгоор “7058-2233 дугаарын нээлттэй утас”-ыг ажиллуулж байна.

/Ажлын өдрүүдэд 08-12, 13-17 цагуудад иргэдийн санал хүсэл, өргөдөл гомдолыг хүлээн авч 1 хоногийн дотор шийдвэрлүүлж үр дүнг танд эргэн мэдээлнэ/

Сумдын баяр наадмын тов батлагдлаа.

Монгол Улсын Баяр наадмын тухай хууль, сумдаас ирүүлсэн саналыг үндэслэн Дорнод аймгийн Засаг дарга С.Ганбат захирамж гарган энэ жилийн сумдын баяр наадмын товыг тогтоолоо. Үүнд:
– Тэгш ой бүхий Баян-Уул, Булган, Матад сумдын баяр наадмыг 2014 оны 7 дугаар сарын 10, 11-ний өдрүүдэд,
Хошуу байгуулагдсны ой, Их бурхантыг аравнайлсны ой, сум байгуулагдсны ой, Халхголын Ялалт музей байгуулагдсны ой зэрэг дөрвөн ой давхцсан Халхгол сумын баяр наадмыг 2014 оны 8 дугаар сарын 17, 18-ны өдрүүдэд,
– Баяндун, Баянтүмэн, Гурванзагал, Дашбалбар, Сэргэлэн, Цагаан-Овоо, Хөлөнбуйр, Чойбалсан, Чулуунхороот сумдын баяр наадмуудыг 2014 оны 7 дугаар сарын 07, 08-ны өдрүүдэд зохион байгуулахаар тогтож, баяр наадмыг өндөр түвшинд зохион байгуулж ажиллахыг сумдын Засаг дарга нарт даалгалаа.

Нийтийн цэвэрлэгээ зохион байгууллаа.

“Хог хаягдалгүй эрүүл орчинд амьдаръя” уриан дор 2014 оны 04 дүгээр сарын 17-19-ний өдрүүдэд Нийтийн цэвэрлэгээ зохион байгуулж ажиллаа. Үүнд: Албан байгууллага, аж ахуйн нэгж, иргэд, ЕБС-ын 6-11 дүгээр ангийн 135 сурагчид идэвхтэй оролцож нийтийн эдэлбэр газар болон айл өрх, албан байгууллага өөрсдийн эзэмшилд байгаа барилга байгууламж, хашаа саравчны орчмын 50 метрт үүссэн хог хаягдлыг цэвэрлүүллээ.

IMG_0053 IMG_0052

Албан байгууллага, аж ахуйн нэгж, Булгийн 4-ын айл өрхүүдийн нийтийн цэвэрлэгээг хийлгэлээ. Мөн ЗДТГ-ын гадна талбайд гоёлын мод суулгалаа.

Албан байгууллага, аж ахуйн нэгж, Булгийн 4-ын айл өрхүүдийн нийтийн цэвэрлэгээг хийлгэлээ. Мөн ЗДТГ-ын гадна талбайд гоёлын мод суулгалаа.

“Малчдын хоршоог хэрхэн байгуулах вэ?”, “Төрөөс малчдад олгож буй урамшуулалд хэрхэн хамрагдах вэ?” сэдэвт сургалт малчдад зохион байгуулагдлаа.

Монгол улсын засгийн газрын 2013 оны 394 дүгээр тогтоолын хэрэгжилтийг хангах ажлын хүрээнд суманд малчдын хоршоо байгуулах, түүнийг хөгжүүлэх зорилготой сумын малчин иргэдийг хамруулав.

  • Малчдын хоршоог хэрхэн байгуулах талаар мэдлэг олгох,
  • Малчдын хоршоог хөгжүүлэх,
  • Хоршоонд нэгдэж хамтран ажиллахын ач тусыг таниулах,
  • Төрөөс олгож буй дэмжлэг урамшуулалд хэрхэн хамрагдах талаар мэдээлэл олгох
  • Хоршоо үүсгэн байгуулахад шаардлагатай бичиг баримтын жагсаалт

гэсэн зорилттойгоор 2014 оны 02 дугаар сарын 26-ны өдөр тус сургалтыг засаг даргын тамгын газрын хурлын зааланд зохион байгууллаа. Нийт сургалтанд 36 малчид болон мал бүхий иргэд оролцон иргэдээ 3 баг болгон хувааж хичээлийн явцад багаар ажиллуулж хүн бүрийг идэвхитэй хамрагдуулахыг хичээж ажилласан.

                  Үүнд:          1. Ангирт

                                    2. Дорны наран

                                    3. Хөсөгтөн гэсэн 3 баг болсон.

Мөн сургалтын дундуур “эвтэй байхдаа хүчтэй” гэсэн утгатай зүйр үг болон хэлц үгийг аль баг нь олныг бичих вэ. гэсэн бяцхан тэмцээн зохиож Ангирт баг түрүүлж гарын бэлгээр шагнаж урамшуулав.

SAM_1665SAM_1664 SAM_1661 SAM_1660

Өргөдөл гомдол хэрхэн гаргах вэ?

-Өргөдөл, гомдлоо яаж бичих вэ?

-Өргөдөл, гомдол гаргачийн эрх

-Өргөдөл гомдлыг шийдвэрлэх, хариу өгөх хугацаа

-Төрийн байгууллага, албан тушаалтны үүрэг

Өргөдөл гомдол

Монгол Улсын Үндсэн хууль болон 1995 оны 1 дүгээр сарын 17-ны өдөр батлагдан гарсан Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулиар иргэн бүр төрийн байгууллага, албан тушаалтанд өргөдөл, гомдлоо гаргаж шийдвэрлүүлэх эрхтэй. Төрийн байгууллага, албан тушаалтан нь иргэдийн өргөдөл, гомдлыг хуулийн дагуу шийдвэрлэх үүрэгтэй байхаар заасан.

АНХААР: Иргэд өргөдөл, гомдлоо гаргахдаа тухайн асуудлыг хариуцсан байгууллагад хандаж бичих нь өөрийн өргөдөл, гомдолдоо шуурхай хариу авах, хүсэлт шаардлагаа зөв шийдвэрлүүлэх чухал нөхцөл болно. Өргөдөл, гомдлоо буруу газарт тавих, асуудлаа үндэслэл муутай гаргах зэрэг нь түүний шийдвэрлэлтийн явцыг уртасгах, олон шат дамжлага дамжих нөхцөлийг бүрдүүлдгийг анхаарах хэрэгтэй.

Өргөдөл, гомдлоо яаж бичих вэ?

Та өргөдөл бичихдээ дараахь дарааллын дагуу бичнэ үү.

1/ Хаана, хэнд өргөдөл гаргаж байгаа нь тодорхой байна. Хандаж байгаа байгууллагын нэрийг товчлохгүй, “Чулуунхороот сумын Засаг даргын Тамгын газарт” гэх мэт бүтнээр нь тодорхой бичнэ. Тухайлсан албан тушаалтанд хандаж байгаа бол албан тушаал болон нэрийг нь бичнэ. “Чулуунхороот сумын Засаг даргын Тамгын газрын дарга Д.Наранбаатар танаа” гэх мэт

2/ Юуны тухай бичиж байгаагаас хамааран товч агуулгыг бичнэ. “Зээл хүсэх тухай”, “Чөлөө авах тухай” гэх мэт

3/ Өргөдлийн дэлгэрэнгүй агуулгыг бичнэ. Үүнд өргөдөл, гомдол гаргаж байгаа гол асуудлаа тодорхой, ойлгомжтой, гаргацтай бичнэ.

4/ Өргөдлөө бичсэний дагаа овог, нэрээ гаргацтай тавьж, гарын үсгээ зурна.

5/ Он, сар, өдрөө тавьж, оршин суугаа хаяг, холбоо барих утасаа бичнэ. Тухайн хаягаар хандахад таньтай шууд холбогдох боломжийг хангах ёстойг анхаарна уу. Хэрэв та тухайлсан хаяггүй байх нөхцөлд дамжуулан холбоо барьж болох хүний хаяг, утсыг бичиж болно. Гэхдээ тухайн хаяг, утсаар дамжуулж, холбоо барих гэдгээ тодруулж бичнэ.

6/ Өргөдлийн онцлогоос хамаарч ямар нэгэн баримт, тодорхойлолт хавсарган өгсөн үед өргөдөл дээрээ хавсаргасан материалуудын нэрийг бичээд хэдэн хуудас болсныг тодорхойлон бичнэ. Жишээ нь: “Өргөдөлд өмнө ажиллаж байсан байгууллагын тодорхойлолт 1 хуудас материал хавсаргав” гэх мэт

Өргөдөл, гомдол гаргагчийн эрх

-Гаргасан өргөдөл, гомдлынхоо хариу авах

-Өргөдөл гомдолтойгоо холбогдуулан нэмэлт тайлбар, нотлох баримт өгөх.

-Өгсөн хариуг зөвшөөрөхгүй бол зохих дээд шатны албан тушаалтанд гомдол гаргах

-Өргөдөл, гомдлоосоо татгалзан буцааж авах

Өргөдөл гомдлыг шийдвэрлэх хариу өгөх хугацаа

Өргөдөл, гомдлыг хүлээн авсанаас хойш 30 хоногийн дотор багтааж шийдвэрлэнэ.

Шаардлагатай тохиолдолд энэ хугацааг тухайн байгууллагын удирдах албан тушаалтан 30 хүртэл хоногоор нэмж сунгаж болно. Хугацааг сунгасан тухай өргөдөл гаргагчид мэдэгдэнэ.

Саналын шинжтэй өргөдлийн хариуг 90 хоногт багтааж өгнө.

Өргөдөлд дурдсан асуудлыг шууд шийдвэрлэх боломжтой бол хуульд заасан хугацаа болохыг хүлээлгүйгээр зохих шийдвэрийг гаргаж шуурхай хариу өгнө.

Шууд шийдвэрлэх боломжгүй бөгөөд удаан хугацаанд шийдвэрлэгдэх асуудал /орон сууц олгуулах гэх мэт/-аар гаргасан өргөдлийг тусгай бүртгэлд бүртгэж, шийдвэрлэлтэд хяналт тавина.

Төрийн байгууллага, албан тушаалтны үүрэг

1/ Харьяалалын дагуу ирсэн өргөдөл, гомдлыг заавал хүлээж авах

2/ Өргөдөл, гомдлыг шуурхай, хуулийн хугацаанд нь барагдуулах

3/ Өргөдөлд дурдсан асуудал бүрийг эрх хэмжээнийхээ хүрээнд хянан үзэж, шийдвэрлэх

4/ Өргөдөлд дурдсан байгууллага, хувь хүний нууцыг хадгалах

АНХААР:

Өргөдөл, гомдол гаргах хэлбэр нь зөвхөн бичгээр байдаггүй, амаар, цахим сүлжээ буюу интернетээр, утсаар хандан гаргаж болно. Иймээс иргэд эдгээр боломжуудыг сонгон ашиглах бүрэн боломжтой.