Хог хөтөлбөр

Чулуунхороот Сумын Фасебүүк Хуудас-н зураг.Сумын Эдийн засаг, нийгмийг 2018 онд хөгжүүлэх үндсэн чиглэлийн хүрээнд Орон нутгийн хөгжлийн сангаас хэрэгжүүлж байгаа “Хог хөтөлбөр”-ийн үргэлжлэл, тохижилтын ажилыг Эрээнцав хөгжил ОНӨААТҮГ хийж гүйцэтгэлээ.

 

Аймгийн начин Э.Таванбаатарын цолны мялаалгын бэсрэг наадам боллоо

Enkh-Od Od-н зураг.                     2018-08-18 нд Чулуунхороот сумын зүлэг ногоон талбайд Аймгийн начин Энхбатын Таванбаатарын цолны мялаалгын бэсрэг наадам амжилттай зохион байгуулагдаж өндөрлөлөө.

МАЛ ЭМНЭЛЭГ, ҮРЖЛИЙН ТАСГААС ИРГЭДЭД ӨГӨХ  ТОВЧ МЭДЭЭЛЭЛ

2018.07.31.

Чулуунхороот сумын Галуут, Дэлгэр, Цагаанчулуут багуудын 3 өрхийн  25 үхэр өвчилж /2018 оны 7 дугаар сард/ 23 үхэр  үхсэн. Үүний дагуу тус сумын МЭҮТ, МЭҮН хамтран дараах арга хэмжээг авч ажиллалаа.

  • Үхсэн малаас дээж аван аймгийн мал эмнэлгийн лабораторид хүргүүлэн шинжлүүлэхэд халдварт өвчин биш болох нь батлагдсан.
  • Аймгийн ХХААГ-аас ажлын хэсэг ирэн өвчилсөн малаас дээж авах, эмчилгээ хийх зэрэг арга хэмжээ авч ажиллалаа.

Өвчтэй малаас дээж аван Улсын мал эмнэлгийн төв лабораторид явуулан шинжлүүлэхэд “ Кальц, фосфорын дутагдал” гэсэн онош гарсан байна.

АНХААРУУЛГА

Эрдсийн илүүдэл, дутал үүсэхэд дараах хүчин зүйлс нөлөөлнө. Үүнд:

  • Тухайн газар нутгийн хөрс, ургамал, усанд үлэмж ба бичил язгуур махбодын агуулга бага эсвэл их байх
  • Шохойлог ба хатуулаг ихтэй усаар мал сүргийг услах
  • Бэлчээр нутуаг нам дор, ус чийг ихтэй байх
  • Тухайн үлэмж ба бичил язгуур махбодын эсрэг үйлчлэлтэй элемент (тухайлбал иод дутал үүсэхэд кобальт, молибден, марганец) илүүдэх
  • Тухайн үлэмж ба бичил язгуур махбодын шингээлтийг (тухайлбал байцаа, гэрийн хошоонгор, рапс, вандуй зэрэг ургамал, зарим антибиотикт иодын саатуулагч бодис байдаг байна) бодисууд байдаг тул тэдгээрийг удаан хугацаагаар их хэрэглэх

                    СЭРГИЙЛЭХ

Мал сүргийг хужир, шүү, эрдэс тэжээлээр хангах, эрдэст шингэнээр эмчлэн сэргийлэх арга хэмжээ авах.

МЭДЭЭЛЭЛ БЭЛТГЭСЭН: МАЛ ЭМНЭЛЭГ, ҮРЖЛИЙН ТАСАГ

Орон нутгийн хөгжлийн сангийн журмын төсөлд санал авч байна

Орон нутгийн хөгжлийн сангийн төлөвлөлт, зарцуулалт, тайлагналт, хяналтын үйл ажиллагааг зохицуулах зорилгоор Орон нутгийн хөгжлийн сангийн журмын төслийг боловсруулан олон нийтийн санал авах ажил орон даяар зохион байгуулагдаж байна. Та бүхэн Орон нутгийн хөгжлийн сангийн журмын төсөлтэй танилцан Сангийн яамны вэб рүү болон доорхи линкээр орж саналаа өгнө үү?                                                      https://mof.gov.mn/article/oron-nutag-sanal

Цагаанчулуут багийн өдөрлөг

Нар хур нь тэгширсэн 2018-06-23ны өдөр Чулуунхороот сумын Цагаанчулуут багийн өдөрлөг амжилттай зохион байгуулагдлаа.Тус өдөрлөгөөр хурдан морины уралдаан, 8-12 насны хүүхдүүдийн дунд бөхийн барилдаан, товч зангидах, дээс томох хөгжөөнт тэмцээнүүд мөн баярын оройн тоглолтонд азтай үзэгч шалгаруулалаа. Өдөрлөгөө амжилттай зохион байгуулсан Цагаанчулуут багийн дарга  зохион байгуулалтанд оролцсон Соёлын төв, ЗДТГ болон нийт иргэдэдээ баярласан талархсанаа илэрхийлье.

“Бүсийн хурд-2018” багийн өдөрлөг боллоо

        Нар нь ээсэн, салхи нь сэвэлзсэн, тэнгэр нь хур бороогоо хайрласан 2018-06-10ны өдөр “Бүсийн хурд-2018” Галуут багийн өдөрлөг амжилттай зохион байгуулагдаж өндөрлөлөө. Өдөрлөгийн хүрээнд “Их насны морины уралдаан”, Унаач хүүхдүүдийн барилдаан, “Адуучин тэмцээн” болон алдарт ээжүүдийгээ шалгаруулж урамшуулсан сайхан үйл явдал боллоо. Зохион байгуулалтанд оролцсон Сумын ИТХ, ЗДТГ-н мэргэжилтэнгүүд, Соёлын төв, Хүүхдийн цэцэрлэг, Галуут багийн хамт олонд мөн хүрэлцэн ирж тэмцээнд оролцсон нийт залуучууд, хүүхдүүд, уяачиддаа баярлаж талархасанаа илэрхийлье.Нар нь ээсэн, салхи нь сэвэлзсэн, тэнгэр нь хур бороогоо хайрласан 2018-06-10ны өдөр “Бүсийн хурд-2018” Галуут багийн өдөрлөг амжилттай зохион байгуулагдаж өндөрлөлөө. Өдөрлөгийн хүрээнд “Их насны морины уралдаан”, Унаач хүүхдүүдийн барилдаан, “Адуучин тэмцээн” болон алдарт ээжүүдийгээ шалгаруулж урамшуулсан сайхан үйл явдал боллоо. Зохион байгуулалтанд оролцсон Сумын ИТХ, ЗДТГ-н мэргэжилтэнгүүд, Соёлын төв, Хүүхдийн цэцэрлэг, Галуут багийн хамт олонд мөн хүрэлцэн ирж тэмцээнд оролцсон нийт залуучууд, хүүхдүүд, уяачиддаа баярлаж талархасанаа илэрхийлье.

Уриалга гаргалаа

2018-06-01нд  Олон улсын хүүхдийн баяраар Чулуунхороот сумын эмэгтэйчүүдийн зөвлөлөөс дэлгүүрт 1ш нь 100төг зарагддаг гялгар торыг халж өөрсдийн гараар урласан даавуун тор хэрэглэх уриалга гаргалаа…. Ингэснээр байгальд хор учруулах хогны асуудлыг шийдэхээс гадна таны хэрэглээний мөнгөнөөс багахан ч гэсэн хэмнэж байгаа юм. Иргэн таныг энэхүү уриалгыг дэмжинэ гэдэгт итгэж байна.

Уучлахын ач тус лекц боллоо

  2018-06-01 нд Сумын Иргэдийн Төлөөлөгчийн Хурал, Хүүхдийн цэцэрлэг, Соёлын төв, Эмэгтэйчүүдийн зөвлөлийн урилгаар гэр бүлээрээ зорин ирж “УУЧЛАХЫН АЧ ТУС”,  “ИЛТГЭХ УРЛАГ” сэдвээр лекц уншсан лектор Э.Эрдэнэ-Очирт болон түүний гэр бүлд нь аз жаргал, хамгийн сайн сайхан бүхнийг хүсэн ерөөе.

Төрийн дээд одон гардуулах үйл ажиллагаа боллоо

             2018 оны 06-р сарын 01нд шагналын хур буусан сайхан өдөр байлаа…Монгол Улсын Ерөнхийлөгчийн зарилгаар Цеплаан Дарийм багш маань  Хөдөлмөрийн гавьяаны улаан тугийн одонгоор мөн Алдарт эхийн 1-р одонгоор Б.Байгалмаа, В.Нарангэрэл нар Алдарт эхийн 2-р одонгоор Чагнаадоржийн Нарантуяа, Дамдинпүрэвийн Март, Чимэдцэрэнгийн Болормаа, Дамбазоригтын Энх-Од нар шагнагдаж одон медалийг Сумын засаг дарга З.Гэрэлт-Од, ИТХ-ын дарга Х.Батбаяр нар гардуулж өглөө. Одонтой ээжүүддээ баяр хүргэж, баярын мэндийг дэвшүүлье. Монголын минь үрс маш олон болтугай.